ABŞ-də dəhşətli cinayət: gənc qadın çəkiclə qətlə yetirildi - VİDEO

ABŞ-də baş verən ağır cinayət hadisəsi ictimaiyyətdə böyük sarsıntı yaradıb. Haitili bir kişi yanacaqdoldurma məntəqəsində çalışan, Banqladeş əsilli iki uşaq anasına hücum edib.

Sonxeber.az türk mediasına istinadən xəbər verir ki, məlumata görə, marketdə işləyən gənc qadın hücum zamanı baş nahiyəsinə ard-arda çəkic zərbələri alıb. Aldığı ağır xəsarətlər nəticəsində o, hadisə yerində həyatını itirib.

Hadisənin baş verdiyi anlar təhlükəsizlik kameraları tərəfindən qeydə alınıb. Görüntülər hücumun nə qədər qəddar şəkildə törədildiyini açıq şəkildə nümayiş etdirir.

Hüquq-mühafizə orqanları şübhəli şəxsi saxlayıb və faktla bağlı araşdırmalara başlanılıb. Hadisənin motivi hələlik açıqlanmayıb.

Qeyd edək ki, baş verən bu faciə yerli ictimaiyyət arasında ciddi narahatlıq və etirazlara səbəb olub.

Telegramda izləyin