Maşının şüşəsini qırıb sürücünün başını yardılar - VİDEO

Türkiyənin paytaxtı Ankara şəhərində mal təhvili sonrası yaranan mübahisə qısa müddətdə şiddətli insidentə çevrilib.

Sonxeber.az türk mediasına istinadən xəbər verir ki, iki nəfər qarşılarını kəsdikləri avtomobilin şüşəsini sındıraraq sürücünü döyüb.

Hadisə tərəflər arasında malın təhvili ilə bağlı yaranan anlaşılmazlıqdan sonra başlayıb. İddiaya görə, iki şəxs mübahisə etdikləri sürücünü avtomobildən düşməyə məcbur etmək istəyib. Sürücü isə vəziyyətin gərginləşdiyini görərək özünü qorumaq üçün maşına sığınıb.

Bu zaman şübhəlilər avtomobildən düşməyən sürücüyə hücum etmək məqsədilə maşının şüşəsini sındırıb. Şüşə qırıldıqdan sonra sürücünü amansız şəkildə döyən şəxslər onun baş nahiyəsindən xəsarət almasına səbəb olub. Yaralanan sürücünün qanlar içində qaldığı müşahidə edilib.

Hadisə anı saniyə-saniyə sürücünün avtomobil kamerasına düşüb. Görüntülərdə zərərçəkənin hücum edənlərə "Vur, vur. Başına bəla olacağam. Vur, öldür" deyə qışqırdığı aydın eşidilir.

Faktla bağlı araşdırmaların aparıldığı bildirilir.

Telegramda izləyin