Eskalatora əli ilişən 3 yaşlı uşağın barmağı qopdu - VİDEO

Türkiyənin Mardin vilayətinin Kızıltepe rayonunda yerləşən ticarət mərkəzində baş verən hadisə azyaşlının ağır xəsarət alması ilə nəticələnib.

Sonxeber.az türk mediasına istinadən xəbər verir ki, eskalatora əli sıxılan 3 yaşlı uşağın barmağı qopub.

Hadisə axşam saatlarında rayon ərazisindəki alış-veriş mərkəzlərindən birində qeydə alınıb. Ailəsi ilə birlikdə eskalatordan enən T.B. adlı azyaşlı oğlanın əli qəfil mexanizmə sıxılıb.

Nəticədə uşağın sağ əlindəki çeçələ barmağı qopub. Hadisə yerinə dərhal təcili tibbi yardım, xilasedici və jandarma əməkdaşları cəlb olunub. T.B. ilkin tibbi yardımdan sonra Kızıltepe Devlet Hastanesi xəstəxanasına, daha sonra isə Dicle Üniversitesi Tıp Fakültesi xəstəxanasına göndərilib.

Uşağın ailəsi hadisə ilə bağlı ticarət mərkəzinin rəhbərliyi və məsul şəxslər barəsində hüquq-mühafizə orqanlarına şikayət edib.

Faktla bağlı araşdırma aparılır.

Telegramda izləyin