Məktəbdə zorakılıq hadisəsi: Qadın əvvəl şüşələri sındırdı, sonra işçini döydü

Türkiyənin Iğdır şəhərində yerləşən orta məktəblərdən birində baş verən insident cəmiyyətdə narahatlıq doğurub.

Sonxeber.az türk mediasına istinadən xəbər verir ki, iddialara görə, psixi vəziyyətinin yerində olmadığı bildirilən bir qadın əlindəki taxta parçası ilə əvvəl məktəbin bufetinin şüşələrini sındırıb.

Hadisə bununla da bitməyib. Qadın daha sonra məktəbdə çalışan qadın işçiyə hücum edərək onu döyüb. Təhsil müəssisəsində baş verən bu xoşagəlməz anlar ətrafda olan vətəndaşlardan biri tərəfindən mobil telefon kamerası ilə qeydə alınıb.

Hadisə ilə bağlı araşdırmalara başlanıldığı bildirilir. Hadisənin səbəbləri və qadının psixi durumu ilə bağlı rəsmi qurumların açıqlama verəcəyi gözlənilir.

Telegramda izləyin