Ərinə xəyanət edən qadın onun cinayətini öz üstünə götürüb

Türkiyənin Diyarbakır şəhərində 2024-cü ildə baş vermiş müəllim qətli ilə bağlı məhkəmə prosesində hadisənin təfərrüatları gözlənilməz istiqamətdə inkişaf edib.

Sonxeber.az xarici mediaya istinadən xəbər verir ki, hadisədən sonra cinayəti öz üzərinə götürən müəllim Z.A. ifadə verərkən silahdan necə istifadə etdiyini izah etməkdə çətinlik çəkib. Bu ziddiyyət istintaqın yenidən araşdırılmasına səbəb olub. Aparılan araşdırmalar nəticəsində məlum olub ki, qətli törədən şəxs onun həyat yoldaşı Ş.Y. olub.

Təqsirləndirilən Ş.Y. ifadəsində bildirib ki, hadisə günü həyat yoldaşı ilə münasibətdə olduğu deyilən şəxs - O.K. evlərinə gəlib və bu zaman tərəflər arasında mübahisə yaranıb. Mübahisə böyüdükdən sonra o, silahdan atəş açaraq müəllimi qətlə yetirib.

Araşdırma zamanı o da üzə çıxıb ki, Ş.Y. həbs olunacağı təqdirdə uşaqlarının zərər görəcəyini düşünərək, cinayəti həyat yoldaşının üzərinə götürməsini istəyib.

Məhkəmə Ş.Y.-nin "qəsdən adam öldürmə" cinayətini törətdiyini təsdiqləyib. Lakin hadisənin haqsız təhrik şəraitində baş verdiyini nəzərə alaraq cəza yüngülləşdirilib və o, 10 il 5 ay müddətinə azadlıqdan məhrum edilib.

Cinayəti öz üzərinə götürən Z.A. isə "cinayəti üzərinə götürmə" maddəsi ilə 8 ay 10 gün həbs cəzasına məhkum olunub. Digər təqsirləndirilən şəxslər barəsində isə bəraət qərarı verilib.

Telegramda izləyin