23 yaşlı gənc mübahisə etdiyi 45 yaşlı kişini qətlə yetirdi

Akhisar rayonunun Beyoba məhəlləsi ərazisində, Dörtyol çayxanalarının qarşısında baş verən insident zamanı 23 yaşlı Süleyman Demirtaş ilə 45 yaşlı Sadullah Şimşək arasında başlayan mübahisə qısa zamanda davaya çevrilib.

Sonxeber.az türk mediasına istinadən xəbər verir ki, ilkin məlumata görə, Demirtaş üzərində olan bıçaqla Şimşəkə hücum edib. Sinə, ürək və qarın nahiyələrindən ağır xəsarətlər alan Şimşək hadisə yerində həyatını itirib.

Hadisə barədə məlumat daxil olduqdan sonra əraziyə təcili tibbi yardım briqadaları cəlb olunub və aparılan yoxlama zamanı zərərçəkənin öldüyü müəyyən edilib.

Hadisədən sonra qaçan şübhəli Süleyman Demirtaşın Reşatbey məhəlləsi ərazisində taksidə saxlanıldığı bildirilir.

Faktla bağlı jandarma və polis əməkdaşları tərəfindən genişmiqyaslı araşdırma aparılır. Qətlin başvermə səbəbləri hələlik məlum deyil, istintaq davam edir.

Telegramda izləyin