Qan donduran ailə qətliamı! 8 uşağı silahla vuraraq öldürdü - VİDEO

ABŞ-ın Louisiana ştatında baş verən silahlı hücum ölkə gündəmini sarsıdıb.

Sonxeber.az xarici mediaya istinadən xəbər verir ki, Shreveport şəhərində bir nəfər üç ayrı evdə 8 uşağı qətlə yetirib.

Hadisə nəticəsində həyatını itirən uşaqların yaşlarının 3 ilə 11 arasında olduğu bildirilib. Ölənlərdən 7-nin şübhəlinin öz övladları, birinin isə qohumu olduğu açıqlanıb. Hadisə zamanı bir uşaq damdan atlayaraq qaçmağa çalışıb, müxtəlif sınıq xəsarətləri alsa da, həyatına təhlükə olmadığı qeyd olunub.

Polis şübhəlinin 31 yaşlı Shamar Elkins olduğunu və hadisənin ailədaxili zəmin üzərində baş verdiyini açıqlayıb. Məlumata görə, o əvvəlcə həyat yoldaşını ağır yaralayıb, daha sonra başqa bir evə gedərək uşaqlara atəş açıb. Hücum zamanı iki yetkin qadının da vurulduğu, onlardan birinin vəziyyətinin ağır olduğu bildirilib.

Hadisədən sonra avtomobil qaçıraraq ərazidən uzaqlaşmağa çalışan Elkins polis tərəfindən təqib olunub və qarşıdurma zamanı zərərsizləşdirilib. Faktla bağlı araşdırmalar Louisiana State Police tərəfindən aparılır.

Hüquq-mühafizə orqanları hadisə yerini "dəhşətli mənzərə" kimi qiymətləndirib. Şahidlərin sözlərinə görə, bəzi uşaqlar arxa qapıdan qaçmağa çalışıblar.

Şəhərin meri Tom Arceneaux baş verənləri "şəhərin tarixində ən ağır hadisələrdən biri" adlandıraraq, bunun cəmiyyətə dərin təsir göstərəcəyini bildirib.

Telegramda izləyin