Arvadını narahat edən kişini yumruqla yerə sərdi: görüntülər müzakirə yaratdı - VİDEO

Bir barda arvadını narahat etdiyi iddia edilən kişiyə qarşı sərt müdaxilənin görüntüləri sosial şəbəkələrdə yayıldıqdan sonra geniş müzakirələrə səbəb olub.

Sonxeber.az türk mediasına istinadən xəbər verir ki, kadrlarda bir şəxsin həmin adama güclü yumruq zərbəsi endirdiyi, zərbənin təsiri ilə kişinin yerə yıxıldığı görünür. Hadisə zamanı yaranan qarışıqlıqda qadının da vəziyyətdən təsirləndiyi müşahidə olunur.

Video yayıldıqdan sonra sosial media istifadəçiləri iki yerə bölünüb. Bir qrup istifadəçi müdaxiləni "özünümüdafiə və müdaxilə" kimi qiymətləndirərək dəstəkləyib, digər qrup isə güc tətbiqinin həddindən artıq olduğunu və məsələnin hüquq-mühafizə orqanlarına şikayət edilməli olduğunu bildirib.

Hadisə ilə bağlı rəsmi açıqlama isə hələ verilməyib.

Telegramda izləyin