Qocalar evində qalmaqal: yaşlılara qarşı zorakılıq görüntüləri yayıldı - VİDEO

İstanbulun Beylikdüzü rayonunda yerləşən yaşlılara qulluq mərkəzində baş verən hadisə ictimaiyyətdə böyük narazılıq yaradıb.

Sonxeber.az türk mediasına istinadən xəbər verir ki, yayılan görüntülərdə müəssisə əməkdaşlarının bir yaşlı sakini itələyərək yerə yıxdığı və onun başını zədələməsinə səbəb olduğu görünür. Digər bir kadrda isə başqa bir yaşlı şəxsə qarşı təhqiramiz davranış göstərilərək üzünə tüpürüldüyü qeydə alınıb.

Ailə və Sosial Xidmətlər Nazirliyi hadisə ilə bağlı açıqlama yayaraq, məsul işçilərin işdən uzaqlaşdırıldığını və mövzu üzrə hüquqi araşdırmanın davam etdiyini bildirib.

Hadisə sosial şəbəkələrdə geniş rezonans doğurub və yaşlılara qayğı müəssisələrində nəzarətin gücləndirilməsi ilə bağlı çağırışlara səbəb olub.

Telegramda izləyin