Müharibə davam edərkən ürəkağrıdan görüntü - VİDEO

Ukraynada bir ana və uşağın hücum təhlükəsindən qorunmaq üçün ağaclıq ərazidə gizlənməsi ilə bağlı yayılan görüntülər sosial şəbəkələrdə böyük rezonans doğurub.

Sonxeber.az xarici mediaya istinadən xəbər verir ki, kadrlarda onların FPV dron hücumlarından qorunmağa çalışdığı anlar əks olunub.

Hadisənin Kramatorsk şəhərində baş verdiyi bildirilir. İddialara görə, ana və uşaq mülki şəxsləri hədəf aldığı deyilən FPV dronların təhlükəsindən yayınmaq üçün açıq ərazidə ağacların arasında gizlənməyə məcbur olub.

Yayılan görüntülərdə onların qorxu içində sığınacaq axtarması diqqət çəkib və bu kadrlar ictimaiyyətdə dərin üzüntü yaradıb. Hadisə davam edən Rusiya-Ukrayna müharibəsi zamanı mülki insanların üzləşdiyi təhlükələri bir daha gündəmə gətirib.

Yerli mənbələrin məlumatına görə, son dövrlər FPV dronların yaşayış məntəqələri və mülki ərazilər üçün yaratdığı risk daha da artıb. Bildirilir ki, bölgədə gündəlik həyat ciddi təhlükə altında davam edir.

Telegramda izləyin