Bir qadın ilk görüşdən sonra aldığı mesaja şok oldu: "Sənə görə evə gec çatdım"

İlk görüşdən sonra gənc qadına göndərilən mesaj sosial şəbəkələrdə müzakirələrə səbəb olub.

Sonxeber.az xarici mediaya istinadən xəbər verir ki, paylaşılan yazışmada kişi tərəfi ilk görüşdən sonra bəzi məqamların onu narahat etdiyini bildirərək, "Bir qızın bu saatda metrodan istifadə etməsi mənə doğru gəlmir. Səninlə gəldiyim üçün mən də sənə yoldaşlıq etmək məcburiyyətində qaldım və evə çox gec çatdım" ifadələrini işlədib.

Mesajın davamında o, görüş saatlarının buna uyğun planlaşdırılmasını istədiyini, artan yanacaq qiymətlərinə görə hər dəfə gəlib qarşı tərəfi götürə bilməyəcəyini də qeyd edib.

Mesajı alan qadın isə buna etiraz edərək, "Bu saatda metrodan istifadə etmək niyə absurddur? Sən hansı dövrdə yaşayırsan anlamadım" cavabını verib.

Qadın yazışmaların görüntüsünü sosial şəbəkədə paylaşdıqdan sonra mövzu geniş müzakirə olunub. Bəzi istifadəçilər kişinin yanaşmasını dəstəkləsə də, bir çoxları qadınların gecə saatlarında ictimai nəqliyyatdan istifadə etməsinin tənqid olunmasını yanlış hesab edib.

Telegramda izləyin