Ölkəsindəki kişi qıtlığından danışdı: "Qızlar rəsmən üzərinizə atılır" - VİDEO

Latviyada yaşayan bir qadının sosial şəbəkədə paylaşdığı video qısa müddətdə gündəm olub.

Sonxeber.az xarici mediaya istinadən xəbər verir ki, latviyalı qadın ölkədə kişi sayının az olduğunu iddia edərək, xarici kişilərin yerli qadınlardan böyük maraq gördüyünü deyib. O, "Əgər subaysınızsa, bəlkə diqqət xoşunuza gələr. Amma evlisinizsə, Latviyadan uzaq durun. Üzük taxmağınızın fərqi yoxdur" sözləri ilə diqqət çəkib.

Qadın bəzi evli kişilərin dostları ilə tətilə gəldikdən sonra münasibətlər yaşadığını və bunun ailələrin dağılmasına səbəb olduğunu da iddia edib.

Digər tərəfdən, ölkədə "saatlıq ər" xidmətlərinə marağın artdığı bildirilir. Yerli platformalarda təqdim olunan bu xidmət çərçivəsində qadınlara santexnika, təmir, mebel yığılması və digər texniki işlər üçün qısamüddətli peşəkar dəstək verilir. Xidmətin şəxsi münasibətlə deyil, yalnız texniki yardım məqsədi daşıdığı vurğulanır.

Telegramda izləyin