ABŞ-li canlı yayımçı taksi şoku yaşadı: Kartından 315 manat çıxıldığını iddia etdi - VİDEO

Məşhur reper Travis Scottın İstanbul konserti üçün Türkiyəyə gələn ABŞ-li canlı yayımçı Auger taksi ilə bağlı xoşagəlməz hadisə yaşadığını iddia edib.

Sonxeber.az türk mediasına istinadən xəbər verir ki, canlı yayımçının sözlərinə görə, konsertdən sonra otelinə qayıtmaq üçün uzun müddət taksi tapa bilməyib. Daha sonra sürücü ilə təxminən 115 manat (50 avro) qarşılığında razılaşan Auger, səfərin sonunda bank kartından təxminən 315 manat (136 avro) məbləğində vəsait çıxıldığını irəli sürüb.

Başına gələnləri sosial media hesabında paylaşan Auger hadisədən narazı qaldığını bildirib. Onun paylaşdığı görüntülər qısa müddətdə sosial şəbəkələrdə geniş yayılıb və çoxsaylı istifadəçilərin diqqətini cəlb edib.

Hadisə ilə bağlı hələlik rəsmi açıqlama verilməyib. Sosial media istifadəçiləri isə paylaşım ətrafında müxtəlif fikirlər səsləndirərək məsələni müzakirə edirlər.

Telegramda izləyin