Qapı-qapı axtardıqları uşaq avtomobilin baqajından çıxdı - VİDEO

Türkiyənin Şanlıurfa vilayətində 5 yaşlı uşaq babasının yeni aldığı avtomobilin baqajında təsadüfən bağlı qalıb.

Sonxeber.az xarici mediaya istinadla xəbər verir ki, hadisə Karaköprü rayonunun Seyrantepe məhəlləsində baş verib. Məlumata görə, küçədə oynayan P.A. adlı uşaq avtomobilin baqajına girib. Bu zaman baqaj qapağı bağlanıb və o, içəridə köməksiz vəziyyətdə qalıb.

Bir müddət övladlarını tapa bilməyən ailə onu axtarmağa başlayıb. Təxminən iki saat davam edən axtarış zamanı avtomobildən gələn səsləri eşidən yaxınları uşağın baqajda olduğunu müəyyən ediblər.

Baqajı aça bilməyən ailənin müraciətindən sonra hadisə yerinə xilasedicilər cəlb olunub. Əməliyyat zamanı avtomobilin arxa oturacağı sökülüb və o, sağ-salamat xilas edilərək ailəsinə təhvil verilib.

Hadisə nəticəsində uşağın səhhətində ciddi problem qeydə alınmayıb.

Telegramda izləyin