Toy karvanında tapança ilə havaya atəş açdı - VİDEO

Türkiyənin Adana şəhərində toy karvanında təhlükəli görüntülər qeydə alınıb.

Sonxeber.az türk mediasına istinadən xəbər verir ki, kimliyi hələki məlum olmayan şəxs hərəkətdə olan avtomobilin pəncərəsindən çölə çıxaraq tapança ilə havaya bir neçə dəfə atəş açıb.

Hadisə anı həmin avtomobildə olan başqa bir şəxs tərəfindən mobil telefon kamerası ilə lentə alınıb. Sosial şəbəkələrdə yayılan görüntülər qısa zamanda geniş müzakirələrə səbəb olub.

Məlumata görə, hadisə ilə bağlı araşdırmalara başlanılıb. Hüquq-mühafizə orqanlarının görüntülərdə əks olunan şəxsin kimliyini müəyyənləşdirmək üçün tədbirlər gördüyü bildirilir.

Qeyd edək ki, toy karvanlarında silahdan istifadə və havaya atəş açılması həm ictimai təhlükəsizlik, həm də yol hərəkəti iştirakçıları üçün ciddi risk yaradır.

Telegramda izləyin