Məsciddə qeyri-etik hərəkət edən şəxslər saxlanılıb

Türkiyənin Kocaeli vilayətində yerləşən "Yeni Cuma" məscidində baş verdiyi bildirilən hadisə ilə bağlı aparılan istintaq çərçivəsində daha bir nəfər həbs edilib.

Sonxeber.az xarici mediaya istinadla xəbər verir ki, iyunun 7-də səhər saatlarında məscidin qadınlar bölməsinin giriş hissəsində qeyri-etik davranışların qeydə alınmasından sonra araşdırmalara başlanılıb.

İstintaq çərçivəsində "cəmiyyətin bir hissəsinin mənimsədiyi dini dəyərləri təhqir etmə" və "ibadət yerlərinə zərər vurma" ittihamları ilə barəsində saxlanılma qərarı verilən Z.Ş.Ü. polis tərəfindən keçirilən əməliyyat zamanı tutulub.

Şübhəli şəxs polis bölməsindəki prosedurlar başa çatdıqdan sonra məhkəməyə çıxarılıb və barəsində həbs qətimkan tədbiri seçilib.

Qeyd edək ki, eyni iş üzrə daha əvvəl saxlanılan T.Y. adlı şəxs də məhkəmə qərarı ilə həbs edilmişdi. Faktla bağlı istintaq davam ediir.

Telegramda izləyin