Metroda hicablı qadına qarşı təhqiramiz ifadələr işlətdi - VİDEO

Türkiyənin İstanbul şəhərində metroda hicablı qadına qarşı təhqiramiz ifadələr işlədən şəxs polis tərəfindən saxlanılıb.

Sonxeber.az türk mediasına istinadən xəbər verir ki, məlumata görə, metroda sərnişin kimi hərəkət edən başörtülü qadına ünvanlanan "Mümkünsə bütün hicablı qadınlar məhv edilsin" ifadələri sosial şəbəkələrdə geniş rezonans doğurub. Görüntülərin yayılmasından sonra hüquq-mühafizə orqanları hadisə ilə bağlı araşdırmalara başlayıb.

Polis əməkdaşları tərəfindən saxlanılan Hatice Ö. barəsində "xalqı kin və düşmənçiliyə sövq etmə və ya alçaltma" maddəsi ilə hüquqi prosedur başladılıb.

Hadisə sosial mediada geniş müzakirələrə səbəb olub. İstifadəçilərin əksəriyyəti ictimai yerlərdə nifrət nitqinin və ayrı-seçkiliyin qəbuledilməz olduğunu vurğulayaraq, məsələ ilə bağlı qanun çərçivəsində tədbir görülməsini dəstəkləyib.

Faktla bağlı araşdırmalar davam edir.

Telegramda izləyin