Hicablı qadın hovuza buraxılmadı - VİDEO

Türkiyənin Mersin şəhərində hicablı mayo geyinən qadının yaşayış kompleksinin hovuzuna buraxılmaması ilə bağlı aparılan istintaqda yeni qərar qəbul edilib.

Sonxeber.az xarici mediaya istinadla xəbər verir ki, hadisə Mezitli rayonunun Tece məhəlləsində yerləşən yaşayış komplekslərindən birində baş verib. İddiaya görə, hovuzda övladı olan qadın hicablı mayo ilə hovuz ərazisinə daxil olmaq istəyib. Lakin kompleks əməkdaşı onun geyiminə görə hovuza girişinə icazə verməyib.

Baş verənləri mobil telefonla qeydə alan qadın kömək istəyib. Görüntülərin yayılmasından sonra Mersin Respublika Baş Prokurorluğu tərəfindən araşdırma başlanılıb.

Araşdırma çərçivəsində saxlanılan Baran D. əvvəlcə məhkəmə nəzarəti altında sərbəst buraxılıb. Lakin prokurorluğun bu qərardan verdiyi etirazdan sonra işə yenidən baxılıb.

Yenidən aparılan qiymətləndirmənin nəticəsində Baran D. barəsində həbs qətimkan tədbiri seçilib və o, cəzaçəkmə müəssisəsinə göndərilib.

Telegramda izləyin