Yapon turistin canlı yayımına müdaxilə edən şəxs gündəm oldu - VİDEO

İstanbulda canlı yayım açan yapon bloger və yayımçı Nanatty gözlənilməz hadisə ilə üzləşib.

Sonxeber.az türk mediasına istinadən xəbər verir ki, şəhər küçələrindən birində yayım etdiyi vaxt yaşlı bir kişi kameraya yaxınlaşaraq qəribə hərəkətlər etməyə başlayıb. Gözlənilməz vəziyyət qarşısında çaşqın qalan Nanatty həmin şəxsə necə reaksiya verəcəyini bilməyib.

Hadisə ətrafdakı insanların da diqqətini cəlb edib. Ərazidə fəaliyyət göstərən bəzi sahibkarlar və vətəndaşlar yaşlı kişinin davranışına etiraz edərək onu uzaqlaşdırmağa çalışıblar. Görüntülərdə şəxslərdən birinin həmin adama hücum etməyə cəhd göstərdiyi də əks olunub.

Hadisənin görüntüləri qısa zamanda sosial şəbəkələrdə geniş yayılıb və istifadəçilər arasında müzakirələrə səbəb olub. Faktla bağlı rəsmi açıqlama verilməyib.

Telegramda izləyin