Bıçaqlı hücum cəhdi gərginliyə səbəb oldu - VİDEO

Türkiyənin Muğla vilayətinin Bodrum rayonunda əlində təxminən 20 santimetrlik bıçaq olan bir şəxs bir iş yerində oturan 4 nəfərə hücum etməyə cəhd edib.

Sonxeber.az türk mediasına istinadən xəbər verir ki, məlumata görə, tərəflər arasında yaranan düşmənçilik fonunda baş verən hadisə zamanı həmin şəxs qarşı tərəfə bıçaqla hücum etməyə çalışıb. Gözlənilməz vəziyyətdə qalan qrup isə özlərini qorumaq üçün dəyənəklərlə müqavimət göstərib və tərəflər arasında qısa müddətli əlbəyaxa dava yaşanıb. Hadisə ərazidə yerləşən təhlükəsizlik kameraları tərəfindən qeydə alınıb.

Polis əməkdaşları tərəfindən saxlanılan və xəstəxanaya aparılan şübhəlinin 2.7 promil sərxoş olduğu müəyyən edilib. Onun qolunda səthi kəsik yarası aşkarlandığı bildirilib.

Faktla bağlı araşdırma aparılır.

Telegramda izləyin