Məsciddə 2 nəfəri bıçaqlayaraq öldürdü: Əsas hədəfi molla imiş

Türkiyənin Kayseri vilayətində namazdan əvvəl məscidə daxil olaraq iki nəfəri bıçaqlayaraq öldürən şəxslə bağlı yeni təfərrüatlar məlum olub.

Sonxeber.az türk mediasına istinadən xəbər verir ki, iddialara görə, şübhəli məscid mollasını öldürmək məqsədilə ibadət ocağına gəlib. Lakin mollanı məsciddə tapa bilmədiyi üçün orada olan camaata hücum edib.

M.A. adlı şəxs məscidə gələn iki nəfərə bıçaqla hücum edib. Nəticədə həmin şəxslər hadisə yerində həyatını itiriblər.

Hadisədən sonra əraziyə polis və təcili tibbi yardım briqadaları cəlb olunub. Şübhəli saxlanılaraq nəzarətə götürülüb, faktla bağlı araşdırma aparılır.

İlkin araşdırmalar zamanı hücumçunun əsas hədəfinin məscid mollası olduğu müəyyən edilib. Bildirilir ki, hadisədən sonra məscidə gələn molla hücumçunu görərək hadisə yerindən uzaqlaşıb və beləliklə xilas ola bilib.

Telegramda izləyin