Yanacaqdoldurma məntəqəsində təhlükəli hadisə: İki azyaşlının hərəkəti faciəyə səbəb ola bilərdi - VİDEO

İstanbulda yerləşən yanacaqdoldurma məntəqələrinin birində baş verən təhlükəli hadisə təhlükəsizlik kameraları tərəfindən qeydə alınıb.

Sonxeber.az xarici mediaya istinadla xəbər verir ki, görüntülərdə məntəqəyə daxil olan iki azyaşlıdan birinin əlindəki alışqanla rəfdə yerləşən məhsulu yandırdığı əks olunub. Bundan sonra uşaqlar hadisə yerini tərk ediblər, alov isə bir müddət yanmağa davam edib.

Hadisəni lentə alan şəxs baş verənlərə etiraz edərək bildirib ki, bu cür davranış yanacaqdoldurma məntəqəsində böyük faciəyə səbəb ola bilərdi. O, məntəqə əməkdaşının alovu vaxtında görərək müdaxilə etməsinin mümkün fəlakətin qarşısını aldığını vurğulayıb.

Qısa müddət sonra vəziyyəti fərq edən yanacaqdoldurma məntəqəsinin əməkdaşı alova operativ müdaxilə edərək yanğını böyümədən söndürüb. Beləliklə, mümkün partlayış və ya daha ağır nəticələr doğura biləcək hadisənin qarşısı vaxtında alınıb.

Hadisə ilə bağlı təhlükəsizlik kameralarının görüntüləri sosial şəbəkələrdə geniş müzakirələrə səbəb olub.

Telegramda izləyin