Evdə qalsa oğurlanar dediyi qızıllarını bazarda oğurladılar - VİDEO

Türkiyənin Adana şəhərində bazara alış-verişə gedən suriyalı Meryem El Muhammed evdə oğurlanacağından ehtiyat etdiyi üçün özü ilə gəzdirdiyi 400 qram qızılı oğurlatdırıb.

Sonxeber.az xəbər verir ki, Suriyadakı müharibədən qaçaraq 17 il əvvəl Adanaya köçən qadın ailəsi ilə birlikdə gələn ay vətəninə qayıtmağı planlaşdırırmış. Müharibə zamanı dağılan evlərinin yerində yeni ev tikmək üçün illərlə topladıqları qızılları daim çantasında daşıyıb.

Hadisə bazarda baş verib. Meryem El Muhammed qarpız seçərkən naməlum qadın ona yaxınlaşıb qucaqlayıb. Bir qədər sonra ödəniş etmək üçün çantasını açan qadın içərisində 400 qram qızıl olan pul kisəsinin oğurlandığını görərək polisə müraciət edib.

Polis təhlükəsizlik kameralarının görüntülərini araşdırır və şübhəlinin saxlanılması istiqamətində əməliyyat-axtarış tədbirlərini davam etdirir.

Göz yaşları içində danışan Meryem El Muhammed bildirib ki, oğurlanan qızıllar onların 17 illik zəhmətinin bəhrəsi idi və Suriyada yeni ev tikmək üçün yığılmışdı.

Telegramda izləyin