Mövlud, o körpənin nə günahı var idi axı atasız qoydun?
Jurnalist Südabə Həsənli
İntihar edənlər elə bilir canını qurtardı, əksinə həm özünə zülm edib cəhənnəmə gedir, həm də cəmiyyətə zərbə vurur. Kiminsə intihar etdiyini, bədəninə xəsarət yetirdiyini eşitmək acınacaqlı haldır. İntihar etmək nə dini, nə də dünyavi baxışdan doğru addım deyil. İnsan elə başa düşür ki, canını qurtaracaq, amma haqq-hesab gününü unudur. Düşünmür ki, bu dünya fanidir. Əbədi axirət aləmidir. Axirətə inamı olan belə iş görməz.
Allah verdiyi cana bizim ixtiyarımız yoxdu əziyyət verək. Sadəcə intihara gətirən səbəbləri aradan qaldırmaq lazımdır. Əslində ətraf mühitdə kömək olmalıdır. Cəmiyyətin qayğısına qalmaq, kiminsə kədərini dağıdıb qəlbini sevindirmək çox savabdır. Allah şeytana lənət eləsin. İnsanın gözündə həyatı söndürür, yaşamaq hissini azaldır.
Bu da insanın iradəsinin zəifliyindən irəli gəlir. İnsanın canı əmanətdir, qorumaq lazımdır. Kim nə edir özünə edir. Həyat isə davamındadır. Heyf ölənin ömrünə. Bir qarışqanı belə yarada bilmədiyimiz halda Rəbbimizə qarşı nankorluq edirik. Allah özü bizə qüvvət versin. Səbir imandandır, əgər bu gün bir çətinliklə üzləşiriksə, demək ki sonunda bir asanlıq gələcək. Çalışmalıyıq şükür edib təvəkkül edək Yaradana. Əgər bizim ruzimiz kəsilibsə, demək ki haradasa günah etmişik. Tövbə etməli, Allahdan bərəkətli ruzi istəməliyik. Və yaxud kimsə qarşı tərəf bizi əsəbləşdirirsə, demək ki şeytan onun vasitəsilə bizi özümüzdən çıxarıb həyatdan uzaqlaşırmaq, qəzəb hissilə özümə qəsd eləməyə vadar edir. Belə olan halda dərhal deməliyik ki, Allah şeytana lənət eləsin. Çalışmalıyıq qəlbimizi Allaha bağlayaq. Şükrümüzü artırıb və dua edək.
İntihar böyük günahlardandır. Allaha qarşı nankorluq, valideynə qarşı isə haqsızlıqdır. Çətin günə dözmək, səbr etmək lazımdır. Allah səbr edənlərlədir. Layiq olmayan insanlara görə əsəbiləşib həyatdan küsməyə dəyməz. Nə də ki bank borclarına görə. Həyat gözəldir və mübarizə meydanıdır. Son günlərdə jurnalist qardaşımızın intihar etməsi də bizə çox pis təsir etdi. Allah ailəsinə səbr versin. Rəbbim günahlarını bağışlasın. Çox gənc ikən həyatına son qoydu. Kaş özünü düşünməsə də, övladını düşünəydi. O körpənin nə günahı var idi axı atasız qoydun? Nə günahı var idi ki bugün ata məhəbbətindən məhrum oldu. Mövlud ailəsini də başsız, sahibsiz qoydu...İntihar heç bir zaman çıxış yolu deyil. Bu fikirlərdən uzaq olaq, hər şeyin yaxşısını düşünməyə çalışaq, müvəqqəti çətinlikdir. Ümidinizi üzməyin, insallah hər şey yaxşı olacaq...
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş