İt evə aktiv əl qumbarası gətirdi

Taylandın Sisaket əyalətində ev iti çöldə tapdığı aktiv əl qumbarasını ağzı ilə evə gətirərək ailəni böyük təhlükə ilə üz-üzə qoyub.

Sonxeber.az xarici mediaya istinadla xəbər verir ki, ev sahibi Rungnapa Duangta əvvəlcə paslı əşyanı adi metal parçası hesab etsə də, üzərindəki təhlükəsizlik pinini görəndən sonra dərhal polisə məlumat verib. Məlum olub ki, it qumbaranı səhər saatlarında gətirib və ailə üzvləri onu uzun müddət sümük hesab ediblər.

Hadisə yerinə gələn bomba zərərsizləşdirmə qrupu qumbaranın Çin istehsalı olan, hələ də aktiv vəziyyətdə qalan "Type 82-2" modeli olduğunu müəyyən edib. Partlayıcı yaşayış məntəqəsindən uzaqda nəzarətli şəkildə məhv edilib.

Polis sakinlərə şübhəli partlayıcı və ya hərbi sursat aşkar etdikdə onlara toxunmamağı və dərhal aidiyyəti qurumlara məlumat verməyi tövsiyə edib.

Telegramda izləyin