Lavanda tarlaları üzərində möhtəşəm səma mənzərəsi heyranlıq yaratdı

Türkiyənin Kırklareli vilayətində lavanda tarlaları fonunda görüntülənən Süd Yolu qalaktikası və minlərlə ulduz valehedici mənzərə yaradıb.

Sonxeber.az türk mediasına istinadən xəbər verir ki, gecə saatlarında çəkilən kadrlarda bənövşəyi lavanda sahələri ilə işıqlı səma bir araya gələrək unikal görüntü ortaya çıxarıb. Təbiətin bu ecazkar mənzərəsi həm fotoqrafların, həm də sosial media istifadəçilərinin böyük marağına səbəb olub.

Bölgədə müşahidə olunan aydın hava şəraiti və işıq çirkliliyinin az olması Süd Yolu qalaktikasının bütün gözəlliyi ilə görünməsinə imkan verib. Ortaya çıxan görüntülər izləyənlərdə heyranlıq doğurub.

Telegramda izləyin