Nazirlik bu oyuncağın satışını qadağan etdi - VİDEO

Türkiyənin Ticarət Nazirliyi uşaqlar üçün təhlükə yaratdığı müəyyən edilən məşhur "peluş qaz" oyuncağının satışını qadağan edib və məhsulun bazardan geri yığılması barədə qərar qəbul edib.

Bu barədə Sonxeber.az xarici mediaya istinadla xəbər verir.

Nazirliyin yaydığı məlumata görə, bazar nəzarəti çərçivəsində aparılan laboratoriya analizləri zamanı oyuncağın TS EN 71-1 mexaniki təhlükəsizlik standartlarının tələblərinə cavab vermədiyi müəyyən olunub. Bildirilib ki, oyuncaq kiçik hissələrə ayrıldığı üçün xüsusilə körpələr və azyaşlı uşaqlar üçün ciddi boğulma riski yaradır.

Bu səbəbdən məhsulun satışına tam qadağa qoyulub, həmçinin onun bazardan geri yığılması qərara alınıb. Təhlükəli hesab edilən məhsul barədə məlumat ictimaiyyətin məlumatlandırılması məqsədilə Təhlükəli Məhsulların Məlumat Sistemi (GÜBİS) vasitəsilə də paylaşılıb.

Ticarət Nazirliyi valideynlərə uşaqlar üçün oyuncaq seçərkən təhlükəsizlik standartlarına uyğun sertifikatlı məhsullara üstünlük verməyi tövsiyə edib.Bu barədə

Telegramda izləyin