İlham Əliyevin Türkmənistan səfərinin ƏSAS NƏTİCƏLƏRİ - AÇIQLAMA
"Azərbaycan Prezidentinin Türkmənistana bu səfəri Cənubi Qafqazla Mərkəzi Asiyanın geosiyasi bütövləşməsi istiqamətində təsirli rol oynayacaq. Azərbaycan Cənubi Qafqaz ölkəsi olsa da, artıq çoxdan Mərkəzi Asiyanın dövləti kimi siyasi mənada qəbul olunur".
Bunu Sonxeber.az-a açıqlamasında siyasi şərhçi Aydın Quliyev deyib.
O, bildirib ki, təsadüfi deyil ki, Mərkəzi Asiya dövlətlərinin özlərinin təşəbbüsü ilə təxminən iki il əvvəl Azərbaycan Mərkəzi Asiya Dövlət Başçılarının Məşvərət Şurasına tam üzv kimi qəbul olunub və hazırda Mərkəzi Asiya ölkələri bu məclisdə Azərbaycanın mövqeyinə və sözünə xüsusi önəm verirlər:
"Çünki Azərbaycanın, Mərkəzi Asiyanın və Cənubi Qafqazın vahid geosiyasi məkana çevrilməsi bu məkanın Avropa üçün dəyərinin fantastik dərəcədə güclənməsi və artması deməkdir. Eləcə də Mərkəzi Asiya və Azərbaycanın vahid geosiyasi məkana çevrilməsi Çinin və Cənub-Şərqi Asiya ölkələrinin gözündə də bu mərkəzin əhəmiyyətini qat-qat artırmış olur. Bu gün dünyada gedən proseslər Mərkəzi Asiya və Cənubi Qafqazdan keçən Orta Dəhlizin önəmini xeyli dərəcədə artırıb. Mərkəzi Asiya ölkələrinin və Azərbaycanın Orta Dəhliz üzərində əhəmiyyətli mövqe tutması onun iqtisadi və strateji məzmununu xeyli dərəcədə gücləndirmiş olur. Bu nöqteyi-nəzərdən Azərbaycan Prezidentinin Türkmənistana səfəri Mərkəzi Asiya və Cənubi Qafqazın geosiyasi bütövləşməsi istiqamətində mühüm və təsirli mərhələ açır".
Ekspert bildirib ki, Azərbaycanla Türkmənistanın münasibətləri ikitərəfli müstəvidə də yaxşı inkişaf edir:
"2017-ci ildə Strateji Tərəfdaşlıq Bəyannaməsi imzalanandan sonra bir sıra sahələrdə fəal əməkdaşlığa başlanıb. Təsadüfi deyil ki, bu gün bütün Mərkəzi Asiya ölkələri ilə yanaşı, Türkmənistanın özü də Qərblə inteqrasiya və əməkdaşlıq istiqamətində Azərbaycanın imkanlarına olduqca böyük dəyər verir. Rusiyanın Ukrayna müharibəsinə cəlb olunması ilə Türkmənistanın da öz enerji daşıyıcılarını Qərbə Rusiya üzərindən çıxarmaq imkanları məhdudlaşdı. Belə şəraitdə Azərbaycanın infrastruktur imkanları bütün Mərkəzi Asiyanın, eləcə də Türkmənistanın qazının Avropa bazarlarına çıxarılmasında mühüm tranzit məntəqə rolunu oynaya bilər. Elə bu cəhətdən Azərbaycanın Türkmənistanla əməkdaşlığının daha da güclənməsinə Avropa ölkələri də böyük önəm verirlər. Çünki Avropa ölkələri Mərkəzi Asiyanın, eləcə də Türkmənistanın hansı potensiala malik olduğunu bilirlər. Bir sözlə, İlham Əliyevin Türkmənistana səfəri həm ikitərəfli münasibətlərin əhatəsini genişləndirəcək, həm də Mərkəzi Asiya ilə Cənubi Qafqazın vahid geosiyasi məkan olaraq bütövləşməsində yeni mərhələ açacaq".
Röyalə Xəyal
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Qətlə yetirilən Gülarənin atası danışdı - "Ayxan 2 ay idi gecələr yatmırdı"
Əhaliyə şad xəbər: qaz və işıq limitlərinə yenidən baxılması MÜZAKİRƏ EDİLİR
Sənət adamlarından Könül Xasıyevanı pubda oxumasına reaksiya: "Mənim yaşıma uyğun deyil"
9-cu sinif şagirdinin meyiti tapıldı
Pensiyaçılara ikiqat XOŞ XƏBƏR - Aprelin 1-dən etibarən…
500 manat qazananın 300 manatı vergiyə gedəcək - Bu şəxslər üçün ŞOK QƏRAR
Bakıda hava kəskin dəyişir: "Əsrin qışı" gəlir - 47 ildir beləsi görünməmişdi
Pensiyalarda ikinci artımı bu şəxslər alacaqlar
Şərqə açılan yeni pəncərə: Azərbaycanın geosiyasi nüfuzu genişlənir - MƏQALƏ
Reuters: "Missuri məhkəməsi Bayer şirkətinin 7,25 milyard dollarlıq razılaşmasını təsdiqləyib"
Azərbaycanda terminallarla ÖDƏNİŞ QAYDASI DƏYİŞDİ
Səudiyyə Ərəbistanı Ər-Riyada hücum edən üç Husi raketini vurduğunu bildirib
Perunun And bölgəsində baş verən 6,8 bal gücündə zəlzələ Lima sakinlərini küçələrə çıxarıb
XƏBƏRDARLIQ! Bu tarixdə intensiv yağış yağacaq, QARA KEÇƏCƏK... - PROQNOZ
Bu şəxslərin həyat yoldaşlarına 400 manat veriləcək