Vahid məktəbli forması: Məqsəd intizam yaratmaqdır

Məktəbdə vahid geyim qaydalarına əməl olunması yalnız xarici görünüş məsələsi deyil, eyni zamanda təhsil mühitində nizam-intizamın, məsuliyyətin və qarşılıqlı hörmətin formalaşdırılması baxımından əhəmiyyətlidir. Məktəbli forması şagirdlər arasında sosial fərqlərin geyim üzərindən qabardılmasının qarşısını almağa, bərabərliyin qorunmasına və təhsil prosesinə daha ciddi yanaşmanın formalaşmasına töhfə verə bilər.

Sonxeber.az xəbər verir ki, Nazirlər Kabinetinin müvafiq qərarına əsasən, dövlət ümumi təhsil müəssisələrində şagirdlərin müəyyən edilmiş vahid geyim formasının tələblərinə riayət etməsi nəzərdə tutulur.

Bu qaydaların tətbiqində məktəb rəhbərliyinin, müəllimlərin və valideynlərin üzərinə müəyyən məsuliyyət düşür. Xüsusilə valideynlər övladlarının məktəbə müəyyən edilmiş geyim formasında gəlməsini təmin etməli, məktəb rəhbərliyi isə qaydaların icrasına nəzarət etməlidir.

Röyalə Xəyal

Telegramda izləyin