İtkin düşən alpinistlərə xəbərdarlıq edilibmiş - FOTO

23 dekabr 2017-ci il tarixində Quba rayonunun Xınalıq kəndindən Tufandağ istiqamətində yürüşə çıxan "Gilavar" - hava və ekstrim idman klubunun itkin düşən 3 üzvü haqqında dostları sosial şəbəkədə paylaşım edib.

Alpinistlərin dostlarının Feysbukda yaydığı məlumata görə, onlar getdikləri günün səhəri ərazidə küləyin sürəti saatda 100 kilometr olub və onlar dostlarının xəbərdarlığına qulaq asmayıblar.

Səfərə çıxa bilməyən alpinist Elman Ələkbərov (red.- məlumata görə Elman Ələkbərov da itkin düşən alpinistlərlə səfərə çıxmalı idi) itkin düşən alpinistlərlə iki gün öncə danışdığını qeyd edib:

"Onlar hər şeyin əla olduğunu dedilər. Mən bütün ürəyimlə inanıram ki, hər şey əladır və əminəm ki, onlar indi ulduzları sakitcə izləyirlər. Bu uşağı özüm kimi tanıyıram, narahat olmayın. Əminəm ki, sabah onlardan xəbər olacaq".

Fərid Kazımov: "Ümidvaram hər şey qaydasındadır. Fəridəni çoxdan tanıyıram, dağları aşmaq onun üçün heç nədir. Tezliklə xoş xəbər gözləyirik".

Qeyd edək ki, itkin düşmüş Fəridə Cəbrayılzadənin yaxın qohumu Axar.az-a açıqlamasında bildirib ki, ailəsi çox narahatdır və yalan məlumatların yayılmasını istəmir.

Telegramda izləyin