AZAL turizm şirkətlərini qınadı

"Əfsuslar olsun ki, Azərbaycan Hava Yollarına müraciət edən turizm şirkətləri əsasən Azərbaycandan turistləri xaricə aparmaq üçün müraciət edən şirkətlərdir".

Sonxeber.az marja-ya istinadla bildirir ki, bu sözləri Bakıda Caspian European Club-un təşkilatçılığı ilə keçirilmiş biznes-forumda AZAL-ın vitse-prezidenti Eldar Hacıyev deyib.

"Demək olar ki, AZAL-a Azərbaycana turist gətirmək üçün müraciət edən turizm şirkətləri yox dərəcəsindədir. Təbii ki, mən Mədəniyyət və Turizm Nazirliyini, Azərbaycan Turizm Assosiasiyasını və turizm şirkətlərini bizim yeni xidmətlərdən istifadə etməyə dəvət edirəm. AZAL hal-hazırda Bakı - İstanbul-Bakı istiqamətində, hər gün, bir tərəfə cəmi 99 avro qiymətinə səfərlər yerinə yetirir. Bu da bugünkü gün üçün cazibədar qiymətlərdir. Oktyabr ayının sonundan başlayaraq Bakı- Moskva - Bakı və Bakı- Dubay- Bakı istiqamətində bu tip səfərləri yerinə yetirəcəyik. Bundan başqa, əgər Azərbaycana turist gətirmək istəyən şirkətlər bizə müraciət edib özəl şərtlər istəyəcəklərsə, biz həmin şirkətlərin yanında olacağıq".

Telegramda izləyin