Hamiləlikdə düzgün qidalanma - MƏSLƏHƏT

Hamiləlik zamanı nizamsız qidalanmaq ananın sağlamlığına ziyan olmaqla yanaşı körpənin də inkişafında problem yaradır. Yetəri qədər qidalanmamaq körpənin inkişafına nə cür mənfi təsir edirsə, həddən çox qidalanmaq da körpənin çox artıq çəkidə doğulmasına və bəzi problemlərlə qarşılaşmasına səbəb olur.

Sonxeber.az lent.az-a istinadən xəbər verir ki, iş xanımları hamilə olduqları zaman işdən baş aça bilmədikləri üçün balanslı şəkildə qidalana bilmirlər. Hamiləlik zamanı səhər yeməyi çox vacibdir. Səhər yeməyi zamanı yumurta, süd, pendir, çovdar və ya buğda unundan hazırlanmış çörək yemək xeyirlidir. Qan azlığı ilə problem yaşamamaq üçün tez-tez, az da olsa yemək lazımdır.

Sağlamlığınız üçün xeyirli olacaq qidalara süd, pendir, çörək, qatıq, qoz, fındıq, badam daxildir. Daha çox vitamin qəbul etmək üçün qidanızda meyvə və tərəvəzlərin daim əskik olmamasına diqqət yetirin. Meyvələr yaxşı yuyulduqdan sonra yeyilməlidir. Plov,makaron kimi qidalardan bir qədər uzaq olun. Bunların əvəzinə qızardılmış ət, toyuq, balıq, bol-bol tərəvəz və meyvə yeyin. Əgər süd içməyi xoşlamırsınızsa, onun yerinə qatığa, ayrana üstünlük verin. Həftədə 3-4 dəfə yumurta yeyin. Hamiləlik zamanı rast gəlinən qəbzlik halının qarşısını almaq üçün salat, qabığı soyulmamış meyvə və tərəvəzlər məsləhətdir.

Telegramda izləyin