İflic olan həyat yoldaşını belində daşıdı- 8 illik BÖYÜK VƏFA

Türkiyənin Antalya şəhərində yaşayan Zeliha Karaağaç 8 il əvvəl yarı iflic olaraq yuxudan oyanıb. Anasının dəfn mərasimində danışmaq qabiliyyətini də itirərək 8 ildir ki, iflic vəziyyətindədir.

Sonxeber.az türk mətbuatına istinadən xəbər verir ki, Türkiyənin Antalya şəhərinin Korkuteli rayonunda yaşayan Zeliha və Bilal Karaağaç cütlüyünün iki qızı var. Ata Bilal Karaağaç 8 ildir ki, evini təkbaşına dolandırır və beli iflic olmuş həyat yoldaşı Zelihaya baxır. Zeliha 8 il əvvəl yuxudan oyanarkən belinin iflic olduğunu öyrənib. Müxtəlif həkimlərin yanına gedən, lakin diaqnozu qoyulmayan Zeliha bir müddətdən sonra yaxşılaşmağa başlayıb. Ancaq anasının öldüyü gün dəfn mərasimində yerə yıxılıb. Dəfndə danışmaq və yenidən hərəkət etmək qabiliyyətini itirib.

"Həyat yoldaşımın vəziyyətinə görə yaxınlarımız bizdən uzaqlaşdı, ancaq qızlarımla birlikdə evimizin işini görürük. Böyük qızım Antalyada təhsil aldığı üçün bizimlədir. Qızlarımla xoşbəxt bir evimiz var. Əgər mən də həyat yoldaşımın yerində olsaydım, o mənə daha yaxşı qayğı göstərərdi. Zeliha sağlam olduğu vaxt uf demədən belə mənə baxıb. İndi evdə bütün ehtiyaclarını mən və iki qızım qarşılayırıq", - deyə Zelihanın həyat yoldaşı bildirib.

Qeyd edək ki, evin bütün yükünü çiyinlərinə götürən həyat yoldaşı Bilal onu hər yerə kürəyində daşıyır.
F. Ağayeva

Telegramda izləyin