Ermənistan ordusunda xarici muzdluların olmasını "Reuters" TƏSDİQLƏDİ

Uzun müddət ərzində ermənilər müəyyən üsullarla Azərbaycan həqiqətlərinin tirajlanmasına imkan verməyiblər. Xaricdə yaşayan güclü erməni lobbisi media qurumlarını maliyyə yolu ilə satın alaraq, ya da onlara hədə-qorxu gələrək öz çirkin əməllərini ört- basdır etməyə müvəffəq olublar. Buna baxmayaraq, onlar yayılan informasiyaların qarşısını ala bilmirlər.

Sonxeber.az xəbər verir ki, hazırda terrorçuların Dağlıq Qarabağda Ermənistanla birgə döyüşməsilə bağlı ciddi sübutlar var. Bu barədə yerli və xarici mətbuatda kifayət qədər məlumatlar işıqlandırılmaqdadır.

Qeyd edilir ki, Ermənistan ordusunda xarici muzdluların olmasını "Reuters"də təsdiqləyib. Bildirilib ki, xarici ölkələrdəki erməni diasporu maliyyəsilə bəzi insanlar Dağlıq Qarabağdakı müharibədə iştirak etməyə qatılırlar.

Amerika və Argentinadan yüzlərlə insan hərbi hazırlıq keçmələri üçün Ermənistana gəlir.

Bundan başqa bildirilir ki, Ermənistana təxminən 140 min erməninin yaşadığı Livandan gələnlərdə də az deyil.

Şəlalə Babayeva

Telegramda izləyin