İyulda itkin düşənlərin meyitləri minalanmış ərazidən niyə çıxarılmır? - DİN-dən açıqlama
Daxili İşlər Nazirliyi (DİN) Göygöl rayonu ərazisində minaya düşərək həlak olduqları məlum olan 11 və 21 yaşlı Daşkəsən sakinlərinin meyitlərinin minalanmış ərazidən götürülməsinin yubanması ilə bağlı məsələyə aydınlıq gətirilib.
DİN-in Mətbuat Xidmətinin Gəncə şəhərindəki regional qrupunun baş inspektoru Eşqin Qasımov APA-nın sorğusuna cavab olaraq bildirib ki, sözügedən şəxslərə aid sübutlar aşkar edilən gündən polis əməkdaşları əraziyə ezam olunublar. Bir neçə gündür ərazidə hava şəraitinin əlverişsiz olması işlərin aparılmasına problem yaradıb: "Artıq günlərdir ki, ərazini qatı qar örtüb. Buna görə də Azərbaycan Minatəmizləmə Agentliyinin əməkdaşları ərazidə təmizləmə işləri apara bilməyib".
DİN rəsmisi qeyd edib ki, qarla örtülmüş ərazini təmizləməklə bağlı istehkam qrupunun göndərilməsi üçün Müdafiə Nazirliyinə müraciət edilib:
"Təmizləmə işləri aparıldıqdan dərhal sonra polis və prokurorluq əməkdaşları həmin yerə daxil olaraq cəsədləri götürüb aidiyyəti üzrə təhvil verəcəklər".
Qeyd edək ki, Daşkəsən rayonunun Alaxançallı kənd sakinləri İsmət Bayramov və Ülfət Rüstəmov iyulun 30-da at gətirmək adı ilə kənd ərazisindəki otlaq sahəsinə gedib, bir daha geri qayıtmayıblar. Rayon Polis Şöbəsi və Müdafiə Nazirliyi əməkdaşlarının axtarışları nəticəsində sentyabrın 24-də Göygöl rayonunda minalanmış ərazidə itkin düşən şəxslərə aid gödəkcə, ayaqqabı və atın sümükləri aşkar edilib.
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Məktəblərdə üç fənn BİRLƏŞİR
Yeni metro stansiyaları bu ərazilərdən keçəcək - Xırdalan sakinlərinə ŞAD XƏBƏR
Beş gün qar yağacaq, 20 dərəcə şaxta olacaq - XƏBƏRDARLIQ
Bu tarix də bayramlar sırasına DAXİL EDİLDİ - RƏSMİ
Pensiyalardakı artımla bağlı YENİ AÇIQLAMA - Fevral ayından...
Sərxanı xilas edən Gözəlovun OĞLU İMİŞ - FOTO
Sabah Bakının bu ərazisi susuz qalacaq
Bakıya sulu qar yağacaq, 4 dərəcə şaxta olacaq
"Mançester Siti" və "Real Madrid" eyni məşqçi uğrunda mübarizə aparacaq
Bu rayonun bəzi ərazilərdində işıqlar sönəcək - Saat 11:00-dan…
Maaşların verilmə müddəti dəyişdirildi - YENİ QAYDA
Bu tarixdən HAVA KƏSKİN DƏYİŞƏCƏK! Güclü qar yağacaq, 18 dərəcə şaxta...
Prezident İlham Əliyev 20 Yanvar şəhidlərinin xatirəsini yad edib
Azərbaycan daha bir ölkədən mixək idxal etməyə başlayıb
Bu da Turan İbrahimovun idmançı OĞLU - VİDEO