"Fotomüxbirliyin inkişafı medianın inkişafı deməkdir" - Mütəxəssisdən AÇIQLAMA

"Fotoqrafiya "işıq", "yazmaq" və "çəkmək" sözlərindən yaranıb. Geniş anlamda isə "anın şəklini çəkmək" deməkdir".

Bu sözləri Sonxeber.az-a açıqlama verən bu sahədə ixtisaslaşan fotoqraf Famil Mahmudbəyli deyib.

O bildirib ki, fotomüxbirliyin inkişafı üçün müsabiqələrin təşkili vacibdir:

"Anı əbədiləşdirməyin özü əvəzolunmaz bir sənətdir. Bu icad sayəsində bizim çox xatirələrimiz canlı qalır. Ölkəmizdə də fotoqrafiyanın inkişafı üçün müxtəlif istiqamətdə tədbirlər və müsabiqələr təşkil edilir. Fotoqrafiya medianın da əsas hissəsidir, çünki jurnilistikanın əsası fakt və görüntüdür. Ona görə də fotomüxbirliyin inkişafı medianın inkişafı deməkdir.

Məhz bu səbəbdən Medianın İnkişafı Agentliyi tərəfindən belə müsabiqələr təşkil edilir. Bunun özü media aləminin inkişafında, daha da geniş arenaya çıxmasında mühüm rol oynayır. Bundan əlavə, fotomüsabiqələrin keçirilməsi fotoqrafların hər dəfə daha gözəl iş ortaya qoyması üçün rəqabətdir. Müharibədə qalib gələn və ərazilərini azad edən bir ölkə üçün isə torpaqlarının görüntüsündən gözəl heç nə ola bilməz. Onsuz da torpaqlarımız gözəldir, amma müsabiqələrin təşkil olunması, o ərazilərin çəkilməsi və bütün dünyaya nümayiş etdirilməsi ölkənin güzgüsüdür. Bu baxımdan, müsabiqələrin təşkili, fotomüxbirliyin inkişafı çox vacibdir.

Ölkəmizdə bu cür sərgi və müsabiqələrin kecirilməsi təqdirəlayiqdir. Günümüzdə, kiçikdən-böyüyə hər kəsin əlində müasir telefonlar olduğu bir zamanda, şəkil çəkməyən insan, yəqin ki, yoxdur. Digər xarici ölkələrdə mobil fotoqrafiya festivalları keçirildiyi kimi, Azərbaycanda da bu mövzuda festivalların keçirilməsini istərdim.

Bir çox insanlarda fotokamera yoxdur, amma əksər insanlarda mobil telfonlar var. Düzdür, telefonla çəkilən fotoların kefiyyəti bir o qədər yaxşı olmasa da, amma sənədli fotoqrafiyada əsas kefiyyət deyil, mahiyyətdir. Buna görə də ölkədə mobil fotoqrafiya müsabiqələrinin keçirilməsi ilə fotoqrafiyanın inkişafında daha çox müsbət nəticələr əldə etmək olar".

Aytəkin Cəlali

Telegramda izləyin