Niyə müğənnilər fəxri ad almırlar? - RƏSMİ AÇIQLAMA

Bu gün bir neçə gənc ifaçılarımız "Xalq" və "Əməkdar" fəxri adlara layiq görülürlər. Bu isə bəzi insanlara və illərlə səhnədə olan ifaçılara xoş olmur. Sual yaranır ki, niyə gənc ifaçılarımıza fəxri ad verilir, amma illərini sənətə qurban verən xanəndələrimiz ya ifaçılarımızbu adı ala bilmirlər?

Məsələ ilə bağlı Sonxeber.az Mədəniyyət Nazirliyinə sorğu ünvanlayıb.

Nazirlikdən bildirilib ki, fəxri adlar yaş həddinə, yaxud uzunmüddətli fəaliyyətə görə verilmir:

"Azərbaycan Respublikası Prezidentinin 14 may 1999-cu il tarixli 130 nömrəli fərmanı ilə təsdiq olunmuş Azərbaycan Respublikasının fəxri adları haqqında Əsasnaməsinə əsasən, mədəniyyətimizin inkişafında xidmətləri olan incəsənət xadimlərinə fəxri adlar yaş həddinə, yaxud uzunmüddətli fəaliyyətə görə deyil, milli mədəniyyətimiz qarşısında müstəsna xidmətlərinə, çalışdığı sahənin inkişafında əldə etdiyi uğurlara görə Azərbaycan Respublikası Prezidentinin müvafiq Sərəncamı əsasında verilir".

ZAİRA AKİFQIZI

Telegramda izləyin