"Kölgə" ləqəbli şəhidimiz yaralansa da, sonadək döyüşdü - FOTO

Bu gün "Kölgə" ləqəbli şəhidimiz, XTQ zabiti kapitan Mikayıllı Samir Sabir oğlunun anım günüdür.

Sonxeber.az-ın məlumatına görə, İkinci Qarabağ müharibəsi zamanı şəhid olan baş leytenant Samir Şuşa uğrunda gedən döyüşlərdə qəlpə yarası alıb. Yaralanmasına baxmayaraq, döyüş yerini tərk etməyən qəhrəmanımız yoldaşları ilə birgə son nəfəsinədək düşmənlə mübarizə aparıb. Çox qan itirən igidimiz şəhadətə ucalıb.

Ağcabədi rayonunun Salmanbəyli kəndində anadan olan şəhid leytenant elə həmin kəndin qəbiristanlığında dəfn olunub. Samir Mikayıllının xatirəsini əbədiləşdirmək üçün onun adına doğma kəndində park salınıb.

Qeyd edək ki, "Vətən uğrunda", "Şuşanın azad olunmasına görə", "Hərbi xidmətlərə görə", "Füzulinin azad olunmasına görə", "Xocavəndin azad olunmasına görə" medalları ilə təltif olunan şəhid Samir Mikayıllıya məxsus materiallar ailəsi tərəfindən Milli Azərbaycan Tarixi Muzeyinin Vətən müharibəsi fonduna təhvil verilib.

Aysel Səfərzadə

Telegramda izləyin