Helikopter qəzasında həlak olanların nəşləri Bakıya gətirildi - YENİLƏNİB + FOTO/VİDEO

Dövlət Sərhəd Xidmətinin hərbi helikopterinin Xızı rayonu ərazisində qəzaya uğraması nəticəsində həlak olan hərbçilərimizin nəşləri Bakıya gətirilib.

Xəbərə yeni fotolar əlavə olunub:

18:00

Dövlət Sərhəd Xidmətinin hərbi helikopterinin Xızı rayonu ərazisində qəzaya uğraması nəticəsində həlak olan hərbçilərimizin nəşləri Bakıya gətirilib.

Bakı TV hərbçilərinin gətirildiyi Məhkəmə-Tibbi Ekspertiza və Patoloji Anatomiya Birliyində olub.

Videonu təqdim edirik:

17:24
Dövlət Sərhəd Xidmətinin (DSX) hərbi helikopterin Xızı rayonu ərazisində qəzaya uğraması nəticəsində həlak olanların nəşləri Səhiyyə Nazirliyinin Bakıda yerləşən Məhkəmə-Tibbi Ekspertiza və Patoloji Anatomiya Birliyinə gətirilib.

"Report"un xəbərinə görə, meyitlər müayinə olunduqdan sonra ailələrinə təhvil veriləcək.

Qeyd edək ki, qəza nəticəsində 14 nəfər həlak olub, 2 nəfər yaralanıb.

Faktla bağlı Baş Prokurorluğun İstintaq idarəsində Cinayət Məcəlləsinin 352.2 (uçuş və ya uçuşa hazırlıq qaydalarını pozma ehtiyatsızlıqdan iki və ya daha çox şəxsin ölümünə səbəb olduqda) və digər maddələri ilə cinayət işi başlanıb, cinayət işinin istintaqı Baş prokuror tərəfindən xüsusi nəzarətə götürülüb.

Telegramda izləyin