Həkim qurbanı olan qazimizi Türkiyə xəstəxanaları qəbul etmir - Qardaşı ÇAĞIRIŞ ETDİ- AUDİO

İkinci Vətən müharibəsi zamanı qəhrəmancasına döyüşərək qazi olan Yaqub Qəhrəmanlı komadadır.

Sonxeber.az-ın məlumatına görə, qazimiz Suqovuşan, Ağdərə istiqamətində gedən döyüşlərdə başından yaralanıb və sol gözünün arxasında qəlpə qalıb.

Türkiyənin özəl xəstəxanalarından birində kranioplastika (kəllə sümüyünün deformasiyasını düzəltmək üçün cərrahi əməliyyat) keçirib. Lakin həkim səhlənkarlığı üzündən Yaqubun beyinində hidrosefaliya yaranıb və beyni zədələnib.

Hidrosefaliya beynin dərinliklərində mədəciklər adlanan boşluqlarda artıq mayenin yığılmasıdır.

Hazırda Yaqub Qəhrəmanlı artıq 5-ci aydır ki, komadadır.

Qazinin qardaşı Rahil Qəhrəmanlı bildirir ki, onu Türkiyənin yaxşı özəl xəstəxanalarına yerləşdirmək istəsələr də, Yaqubu götürmürlər. Qazinin ailəsi məsələnin daha geniş işıqlandırılmasını istəyir və dövlətin onlara dəstək göstərəcəyinə inanır.

Redaksiyamıza daxil olan müraciəti aşağıdakı audiodan dinləyə bilərsiniz:

Aysel Səfərzadə

Telegramda izləyin