İllərdir sahibsiz qalan "Aston Martin" - VİDEO

"The Bearded Explorer" "YouTube" kanalının bloqeri Böyük Britaniyada kiflə örtülmüş sahibsiz "Aston Martin" kabrioleti aşkar edib.

Ön şüşənin altındakı kupona görə, avtomobil təxminən səkkiz ildir bir yerdə dayanıb. Və əlbəttə ki, zaman onu bağışlamayıb.

Avtomobilin ətrafında artıq böyürtkənlər cücərib. Daimi rütubət səbəbindən həm salon, həm də çöl hissələri kif göbələyi ilə örtülüb.

Kənardan baxanda kabriolet salamat görünür. Lakin mexaniki zədənin olmaması onun texniki cəhətdən problemsiz olması demək deyil.

Bundan əlavə, "Aston Martin"in interyeri də xeyli zədələnib.

Qeyd edək ki, 1999-cu ilin "DB7 Vantage Volante" modeli dörd il ərzində istehsal edilib. Avto 426 at gücü olan (542 Nm) atmosfer 5,9 litrlik V12 mühərriki ilə təchiz edilib.

Sahibsiz nəqliyyat vasitəsində 5 pilləli avtomatik transmissiya quraşdırılıb.\oxu.az

Telegramda izləyin