Ərəblər nə vaxtadək ölkəmizə "qız ovu"na gələcək?

Son bir neçə ildə ölkəmizə gələn turistlərin sayı artıb. Onların arasında ərəblər də az deyil. Ərəblərin bəziləri sözün əsl mənasında "ov" üçün gəlirlər. Onların hədəfi isə bizim bəzi "qızlarımız"dır. Bu hal nə vaxta kimi davam edəcək?

Məsələ ilə bağlı Sonxeber.az-a deputat Aqil Abbas açıqlama verib.

O, insanları daha diqqətli olmağa səsləyib:

"Ağılları varsa, mentalitet düşünürlərsə, bu yola düşməsinlər. Mentalitet fikirləşən adam bu səhvi etməsin! 5-10 adamın badına bütün milləti pisləmək olmaz. Bəzilərinin əxlaqsızlığını bütün millətə şamil etmək heç doğru deyil. Belə insanlar tək Azərbaycanda deyil. Bütün xalqların əxlaqlısı və əxlaqsızı var.

Digər tərəfdən, hər ərəb Bakıya pis niyyətlə gəlmir. Necə ki, bizim də gənclərimiz arasında xaricə yaxşı və pis niyyətlə gedənlər var. Onda bütün xarici ölkələr o gündədir?

Bunun həlli və cavabı yoxdur. Bu problem ağsaqqal-qarasaqqal sözü ilə həll olmur".

ZAİRA AKİFQIZI

Telegramda izləyin