Rusiyanın təhdidinə iki ölkədən CAVAB

Rusiya Xarici İşlər Nazirliyinin mətbuat katibi Mariya Zaxarovanın "Finlandiya və İsveçin ilk növbədə hərbi Alyans olan NATO-da iştirakının ciddi siyasi-hərbi nəticələri olacaq ki, bu da ölkəmizin cavab verməsini tələb edəcək" sözlərinə İsveç cavab verib.

Sonxeber.az xarici mətbuata istinadən bildirir ki, Baş nazir Maqdalena Anderson verdiyi açıqlamada bildirirb ki, İsveç təhlükəsizlik siyasətinə özü qərar verəcək.

NATO-ya üzv olmaq fikrində olmadıqlarına diqqət çəkən Anderson, Rusiyanın İsveç sərhədlərində hər hansı bir təhdid və hərbi fəaliyyət göstərmədiyini deyib.

Finlandiyanın Baş naziri Sanna Marin isə bildirib ki, Finlandiyada NATO-ya üzvlüklə bağlı müzakirələr Ukraynada müharibə başlayandan sonra dəyişib.

Digər tərəfdən, ABŞ Dövlət Departamenti "NATO-ya üzv olmaq istəsələr, İsveç və Finlandiyaya qapılar açıqdır" bəyanatını verib.

Qeyd edək ki, Finlandiya və İsveç NATO üzvü olmasalar da, Rusiyanın Ukraynaya hərbi müdaxiləsinin müzakirə olunduğu NATO-nun Fövqəladə Zirvə toplantısında iştirak ediblər.

Aygün Osmanlı

Telegramda izləyin