Orta məktəb diplomu arzusuna 71 yaşında çatacaq

Türkiyənin Ordu şəhərində motor ustası işləyən 71 yaşlı Çetin Birsen adlı şəxs arzusunda olduğu orta məktəb diplomu üçün Peşə Təhsil Mərkəzində dərslərə gedir.

Sonxeber.az xarici mətbuata istinadən xəbər verir ki, Çetin Birsen Təhsil Nazirliyinin tətbiq etdiyi diplom təzminat proqramından yararlanmaq üçün Peşə Təhsili Mərkəzinə müraciət edib.

Hazırda həftənin müəyyən günlərində məktəbə getdiyini, gedə bilməyəndə isə videokonfrans vasitəsilə iştirak etdiyini vurğulayan Birsen tezliklə orta məktəb diplomu alacağı üçün həyəcanlandığını etiraf edib.

Sinifdəki bəzi şagirdlərin onu görəndə yaşına təəccübləndiklərini söyləyən Birsen bu sözləri əlavə edib:

"Onlara göstərirəm ki, oxumaq üçün yaş yoxdur. Hər kəsə oxumağı tövsiyə edirəm".

Aygün Osmanlı

Telegramda izləyin