"Həsrətində olduğumuz Şuşamızda Dünya Azərbaycanlılarının V Qurultayının keçirilməsi qürurvericidir"

"Dünya Azərbaycanlılarının V Qurultayının Azərbaycanın və Türk dünyasının mədəniyyət beşiyi, Qarabağımızın tacı olan Şuşada keçirilməsi bu şəhərin bizim üçün nə qədər əhəmiyyətli olduğunun göstrircisidir".

Bunu Sonxeber.az-a danışan deputat İqbal Məmmədov deyib.

Deputat qeyd edib ki, dünyanın müxtəlif ölkələrində yaşayan soydaşlarımızın toplaşacaqları möhtəşəm tədbirin - Dünya Azərbaycanlılarının V Qurultayının - məhz Şuşada keçirilməsi təkcə milli-mənəvi deyil, həm də siyasi, iqtisadi, hərbi və diplomatik cəhətdən önəmlidir:

"Dünya Azərbaycanlılarının V Qurultayında 65 ölkədən 400 nəfərə yaxın diaspor nümayəndəsinin iştira­kı gözlənilir. Qeyd etmək istəyirəm ki, 44 günlük Vətən müharibəsində qazanılmış zəfərdə, Qarabağın işğaldan azad edilməsində milli birliyimizin və həmrəyliyimizin rolu danılmazdır.

Gənc olmasına baxmayaraq, savadlı, işinin peşəkarı olan cənab Fuad Muradovun rəhbərliyi ilə Diasporla İş üzrə Dövlət Komitəsi müxtəlif ölkələrdəki soydaşlarımızı bir araya toplayan çox mühüm və möhətəşəm layihələrə imza atıb. 44 günlük Vətən müharibəsi dövründə dünyanın müxtəlif ölkələrində yaşayan soydaşlarımız qorxmadan 200-ə yaxın mitinqlər keçirərək Ali Baş Komandanın və ordumuzun yanında olduqlarını nümayiş etdirdilər. Əminəm ki, bu birlik və həmrəyliyi hər bir azərbaycanlı öz ürəyində hiss etdi".

Deputat vurğulayıb ki, cənab Prezidentin hər bir sahədə uğurlu siyasəti nəticəsində Azərbaycan bu gün dünyanın ən sayılıb-seçilən, qüdrətli dövlətlərindən birinə çevrilib:

"Məhz cənab Prezidentin ordu quruculuğu sahəsində gələcəyə düşünülmüş addımlar nəticəsində bu gün biz 30 il həsrətində olduğumuz rayon və şəhərlərə qovuşmuşuq. Uzun müddət həsrətində olduğumuz Şuşamızda Dünya Azərbaycanlılarının V Qurultayının keçirilməsi qürurvericidir. Ən önəmlisi isə odur ki, bu tədbirlərə cənab Prezident qalib ölkənin dövlət başçısı, Ali Baş Komandanı kimi qatılır. Bu qürurverici anları bütün denyadakı azərbaycanlılara yaşadan Qüdrətli Ali Baş Komandana və Müzəffər Azərbaycan Ordusuna təşəkkür edirəm!"

Aysel Yusifqızı

Telegramda izləyin