Çində yoluxma sayı artır, Azərbaycan da artacaq? - İnfeksionistdən AÇIQLAMA

Bildiyimiz kimi, Çində yoluxma sayı kəskin artmaqda davam edir. Bir müddət əvvəl bu ölkədə əhaliyə evdən çıxmaq qadağan edilmişdi. Azərbaycanda isə maska ləğvi ilə bağlı hər kəsin səbirsizliklə gözlədiyi şad xəbər bu gün artıq təsdiqləndi. Nəhayət, may ayının 1-dən maska tələbi ləğv ediləcək. Bəs Çində yoluxma sayının artması gələcək aylarda bizə də təsir edə bilərmi?

Məsələ ilə bağlı Sonxeber.az-a infeksionist Vüqar Cavadzadə açıqlama verib.

O bildirib ki, hazırda ölkəmizdə gündəlik yoluxmalar 2 rəqəmli həddədir:

"Hətta 1 rəqəmə düşdüyü gün də olub. Dinamika azalmağa doğru gedir. Hesab edirəm ki, yoluxma sayının artma ehtimalı yüksək olmayacaq.

2 rəqəm daxilində bir az yüksələ bilər. Amma artıq əvvəlki kimi kəskin sayda 3 hətta 4 rəqəmli yoluxma sayını görməyəcəyik.

Koronavirus mutasiyaya uğradıqca zəifləməyə doğru getdi və sonda da "Omicron" ştammı meydana gəldi. O da yüngül əlamətlərlə keçdi getdi. "Omicron"dan sonra mutasiya olunan tiplər isə ondan da zəif olacaq. Bu səbəbdən düşünmürəm ki, yoluxma sayı yenidən yüksək həddə gəlib çata bilər".

ZAİRA AKİFQIZI

Telegramda izləyin