Aqşin Fateh şəriki ilə arasında olan davadan danışdı - ÖZƏL AÇIQLAMA

Xəbər verdiyimiz kimi, tanınmış meyxanaçı Aqşin Fatehlə şəriki arasında dava düşüb və hər ikisi məhkəməlik olublar.

Məsələ ilə bağlı Sonxeber.az-a açıqlama verən meyxanaçı onu şərlədiklərini söyləyib.

O bildirib ki, bütün bunlar "By Fateh1" restoranında şərikliyi bitirmək istədiyi üçün baş verib.

"Hazırda iş istintaqdadır. Mən oradan ayrıldığıma görə məni şərləmək istəyirdilər. Mən özümün məkanında necə dava sala bilərəm? Bu hansı məntiqə sığır ki?! Üstəlik, zəif gül satan bir qızın üzərinə 4-5 nəfər oğlanla düşüb bıçaq çıxartmışammış. Bu, sırf şərləmədir. Mən oradan çıxmaq istədikdə artıq onlar bizneslərini, məni itirdiklərinə görə, ən axırıncı variant olaraq, məndən heyif çıxmaq üçün bunu etdilər.

Oradan ayrılma səbəbim barədə açıqlamamı geniş şəkildə verəcəyəm, hələ, demək olar ki, danışmamışam. Sadəcə bu məsələnin tamamlanıb bitməsini gözləyirəm. Onlar şərləmə iddiası ilə məni məhkəməyə verdilər, amma növbəti dəfə mən verəcəyəm. Bizim orada malımız, avadanlıqlarımız, ərzaqlarımız - hamısı qaimələrlə, sənədli şəkildə var. Çıxartmaq istəyirdik, imkan vermədilər. Adını da qoydular ki, guya "Aqşin dava salıb, xuliqanlıq edib"".

Aysel SƏFƏRZADƏ

Telegramda izləyin