Kadırovçular rus əsgərlərinin silahlarını oğurlayır – Təhlükəsizlik Xidməti

Ukraynaya göndərilən kadırovçular o qədər qarətlər edirlər ki, hətta rus hərbçilərindən də oğurluq etməkdən çəkinmirlər.

Sonxeber.az-ın məlumatına görə, bu barədə Ukrayna Təhlükəsizlik Xidməti məlumat yayıb.

Kadırovçuların Rusiya hərbçilərinin silahlarını oğurlaması rus əsgərinin tanışı ilə telefonla danışarkən dinlənilən səs yazısında məlum olub.

Telefon danışığında Xerson vilayətində olan rus əsgər tanışına şikayət edir ki, çeçenlər onun silahını oğurlayıblar:

"Yanımıza gəlmişdilər, dedilər namaz qılacağıq. Bizə dedilər ki, narahat olmayın, qardaş, özümüzük. Yemək yedilər, getdilər... "PM"in (Makarov tapançası – red.) yoxa çıxıb..."

Silahını itirdiyi üçün əsgər cəza olaraq səngər qazmağa göndərilib. Silahını tapmaq üçün ona 2 gün vaxt verilib.

"Silahımı tapmasam, başımla cavab verməli olacam", deyə əsgər əlavə edib.

Telegramda izləyin