BU DA OLDU: Nəvələri olmadığı üçün oğlunu və gəlinini məhkəməyə verdi

Hindistanın şimalında Uttarkand şəhərində 61 və 57 yaşlarında olan cütlük məhkəməyə qəribə şikayətlə müraciət ediblər.

Sonxeber.az xarici mətbuata istinadən xəbər verir ki, həmin cütlük 6 illik evli olan oğlu, 35 yaşlı Şri Sagarın uşağı olmadığı üçün etirazlarını belə bildirmək qərarına gəliblər.

"Oğul böyütdük, təhsilinə və toyuna pul xərclədik, bunun qarşılığında nəvə istəyirik" deyən valideynlər şərt qoyublar ki, əgər 1 il ərzində nəvələri olmasa, 650 000 dollar təzminat tələb edəcəklər.

Yaşlı cütlk 2006-ci ildə oğlunu pilot təhsili ilə bağlı 65000 dollara ABŞ-a göndərdiyini vurğulayıb.

2007-ci ildə ailənin tək övladı Hindistana qayıdıb, lakin işini itirib və ailəsi onu maliyyə baxımından iki ildən çox müddətdə dəstəkləmək məcburiyyətində qalıb.

Nəhayət pilot kimi çalışmağa başlayan Şri Sagar 2016-cı ildə evlənib.

Valideynləri ona 5 ulduzlu lüks oteldə toy, 80 000 dollarlıq avtomobil və xaricdə bal ayı üçün pul ödədiklərini bildirirlər.

AYSEL QULİYEVA

Telegramda izləyin