Ukraynalı nazir: "Məhkəmə zalında oturmaq və Putini..."

Ukraynanın xarici işlər naziri Dmitri Kuleba hesab edir ki, Rusiya Federasiyasının Ukraynaya qarşı müharibəsinin başa çatmasının nəticələrindən biri Beynəlxalq Cinayət Məhkəməsində proses olmalıdır.

O, bu barədə "Bild am Sonntag"a müsahibəsində bildirib.

Kuleba, digər məsələlərlə yanaşı, atəşkəs naminə Rusiya Federasiyası ilə danışıqları davam etdirməyi normal hesab edib.

"Atəşkəs razılaşması problemin həlli, Ukrayna ərazisinin azad edilməsi istiqamətində atılan ilk addımdırsa, burda heç bir qəbahət yoxdur. Lakin biz diplomatiyanın sadəcə olaraq əzablarımızı uzatmasına və müharibənin növbəti mərhələsini gecikdirməsinə icazə verməyəcəyik", deyə o bildirib.

Eyni zamanda, o, Rusiya Federasiyasının ali rəhbərliyinə qədər hərbi cinayətlər törədənlərin cinayət məsuliyyətinə cəlb edilməsinin zəruriliyini vurğulayıb.

"Mən Beynəlxalq Cinayət Məhkəməsinin məhkəmə zalında oturmaq və Putini müttəhimlər kürsüsündə görmək istəyirəm", - nazir deyib.

Telegramda izləyin